J2主持文頌男堅強抗癌路揭變「無眉男」 本周最後一次化療 認精神轉差

J2節目《不正常愛情研究所》主持文頌男（Koba）去年確診罹患罕見尤文氏肉瘤，無奈要全面停工休息並開始做化療，幸好不少熱心網民幫助，成功籌集醫藥費，減輕Koba經濟壓力，Koba噚日喺IG留言感激大家慰問，又指自己而家除咗冇頭髮，仲變埋「無眉男」。

Koba噚日喺IG留言感激大家慰問，又指自己而家除咗冇頭髮，仲變埋「無眉男」。

Koba上周四喺IG解答網民問題，Koba坦言精神越嚟越差，抗癌路好難捱。

Koba喺抗癌路一直堅強面對，見佢貼出近照，本來擁有濃眉大眼嘅Koba，因接受化療而眉毛掉落，本周就要進行最後一次化療，一眾網民紛紛留言打氣；Koba上周四喺IG解答網民問題，Koba坦言精神越嚟越差，抗癌路好難捱，無論身體或精神上都好痛苦，又指「一星期前感覺真係就嚟死」，尤其每次做完化療，整個人瘦咗好多，要不停逼自己飲啲營養嘅嘢，要好有意志力堅持先得。

Koba指今個星期做最後一次化療，「唔知之後會點…好驚…怕會有咩壞消失。

同時Koba亦對工作前路感到憂心，盼望自己盡快康復，希望個天可以對自己好一次，等佢唔使再承受痛苦，Koba認為自己性格內向，有諗過康復後退居幕後或者轉行，可能發展會好好多。
文頌男感痛苦，盼得到上天眷顧。Koba認為自己性格內向，有諗過康復後退居幕後或者轉行。