王敏奕騷白滑肌分享零毛孔秘訣 預告破格演出浪接浪驚喜不絕

王敏奕 喺話題劇《婚後事》中破格演出Mira一角，為觀眾帶嚟驚喜，其中講述佢慘被羅子溢拋棄，獨自匿喺屋企情緒大爆發一幕令人印象深刻。呢日Venus終於唔使喺鏡頭面前咁辛苦，可以舒舒服服做返自己。

呢日Venus展現雪白嬌嫩肌膚接拍護膚品廣告，並分享本身係敏感肌膚，日常最怕曬太陽、又怕焗熱，甚至喜歡下廚都擔心會被油煙焗到面紅紅，所以必需備有適當嘅護膚品急救求肌膚，大力呼籲愛靚嘅女士們要記得塗防曬、多飲水同護膚。不過身為演員，難免要喺烈日下出外景拍攝，Venus就有一項獨特嘅保護方式，笑言：「擔遮最好，無辦法成日要做遮「姐」仔﹗」

Venus今年先後播出嘅作品角色大獲好評，令佢好開心，仲話未來嘅角色都充滿挑戰性，雖然其中一個角色未能公開，但佢都好期待，並認為做演員好玩之處是每次接到新角色都好似冒險同挑戰。而Venus亦視今年為收成期，密密有之前拍落嘅影視作品推出，包括年代片、驚慄片等不同嘗試。