婚後事｜主要演員集合睇結局直播 盼新一輯CP重新分配

熱播話題劇《婚後事》將成年人對感情嘅寫實一面全盤曝露於畫面，吸引外界熱烈討論同反思，星期五播出大結局 陳自瑤 羅子溢 黎諾懿 賴慰玲 羅天宇 黎燕珊 一班主演員都齊集一齊歡送作品告一段落。

最後一集總結大家嘅感情糾結，唔捨得之餘仲有唔少感觸呀，而各位演員非常真實嘅感情戲演出，仲被觀眾認為會引起台慶頒獎禮大亂鬥，Winki就話要非常多謝諾懿嘅合作先有咁好嘅結果喇。

至於Yoyo亦都指一切要歸功於團隊嘅共同努力，編審同監製嘅功勞亦都至為重要。對外界紛紛希望原班人馬拍攝新一輯，大家仲搞笑話要組成唔同CP重新配搭咁話。劇中約炮當食生菜嘅Joey被兩位男主角整蠱窮追猛打之下，仲大個仔話唔使選擇，要同Yoyo仲有Winki齊齊合作呀。

而子溢就指下輯希望自己主線同Winki發展，但係又要同時同Yoyo繼續糾纏，真係聽到都緊張呀。至於諾懿雖然呢一輯歷紅波折，而如果開拍新一輯，一定要有 王敏奕 演一對，因為今次太少對手戲咁話呀。

至於外傳佢呢位港普之父有意開好友演唱會，呢日依舊冇句真嘅諾懿就話，已經籌備多時，又賴皮話只會係自己好友出場演唱，自己只會以最擅展嘅港普出場做主持喎。