新城體育會丨夥張馳豪何晉樂打羽毛球 馬浚偉落場進行爆汗賽

新城廣播有限公司繼上月成立《新城義工隊》後，首席營運總監（COO）馬浚偉領軍下，4月3號成立《新城體育會》，仲舉行咗第一次活動，邀請一眾新晉歌手，包括安俊豪（Simon）、張馳豪（Aska）、何晉樂（Rock）、潘靜文（Sherman）、鄧禮迪（Tik)同周卓盈(阿Mic)，跟「新城羽毛球隊」齊齊作賽，親自落場嘅馬浚偉笑言要進行爆汗賽，呢場歷時2個鐘嘅非正式羽毛球爆汗賽，雖然「新城羽毛球隊」不時以大比數拋離對手，但「運動第一，比賽第二」，最重要係大家玩得投入，打足兩個鐘都唔攰。

「運動第一，比賽第二」，最重要係大家玩得投入，打足兩個鐘都唔攰。

馬浚偉讚揚一眾年輕歌手既打得又唱得，原來有部份曾經係校隊成員，但唔少歌手反而想向佢偷師點樣可以打足2個鐘都唔喘氣。第一次參加《新城體育會》嘅6位歌手都話好玩，直言唔單只勁爆汗，仲非常減壓！參加選秀騷出道嘅「聲夢小花」Sherman就深深體會到：「真係完全唔記得咗壓力喎！真係好正，腎上線飆升，打到唔捨得走！」原來Sherman讀書時曾加入排球校隊，佢希望未來《新城體育會》可以加入其他運動。

馬浚偉讚揚一眾年輕歌手既打得又唱得，原來有部份曾經係校隊成員，但唔少歌手反而想向佢偷師點樣可以打足2個鐘都唔喘氣。

Aska原來中學時亦曾加入校隊，由於身形高大，幾乎樣樣運動都有機會涉獵，但未算精通。Aska坦言：「磋兩板還可以，但要追上馬生嘅程度還差很遠。」不過透過今次活動同其他歌手由點頭之交，好快熟絡變成好友。同樣係出身校隊嘅Rock笑言：「頭先有機會馬生同場競技一下，可以爆一身汗，因為男仔之間打競技賽係好爽！」
唱作歌手阿Mic甚少打羽毛球，呢次難得機會同其他歌手做工作以外嘅事，加快熟絡感，認識到Sherman嘅另一面，感覺可以成為好朋友。同樣係羽毛球初哥嘅Tik話一試愛上：「我鍾意打籃球都係因為可以快上快落，但原來羽毛球一樣可以，因為個波真係好快，好有速度感。」

原來Sherman讀書時曾加入排球校隊，佢希望未來《新城體育會》可以加入其他運動。

Simon平日甚少做群體運動，只會做下Gym或滑浪，今次非常感謝《新城體育會》邀請可以重拾球拍，原來中學時代嘅佢也曾加入羽毛球校隊，正式受訓半年，但入行後已甚少機會再打波。Simon因為打波太全力以赴，令腳趾受傷爆血：「呢個運動可以令人與人之間放低隔膜，更多溝通機會，讓大家暫時放低裝甲，好好輕鬆一下。」