林憶蓮歸隱4年月底再踏紅館 綵排片段流出與倫永亮談笑甚歡

神隱近4年嘅 林憶蓮 月底就會再同老友 倫永亮 合體，加上 葉麗儀 陳潔靈 馮允謙 雲浩影 仲有 涂毓麟 ，一眾靚聲之人同 香港管弦樂團 合作展開3場紅館演唱會。今個月26號就58歲生日嘅Sandy，近年分別旅居日本同倫敦，去年底突然再更新各個社交平台，令一眾樂迷大為驚喜，外界亦認為呢個係Sandy復出嘅一大訊號。

Sandy近日就Post出同合作多年嘅好拍檔倫永亮嘅開會討論片段，雖然因為片段加速未知兩人討論嘅內容，不過可見氣氛非常愉快，Anthony逐字示範，而Sandy就勤力做筆記，不過講講吓又會不時仰天大笑，令人非常好奇佢哋討論內容，亦對演唱會嘅表演更加期待呀。