聲夢1+2丨周志康邀金永恆自彈自唱齊jam歌 周吉佩深情演唱答謝吉S粉

綜藝節目《聲夢1+2》每集都會請到唔同嘅歌手做嘉賓，大玩遊戲之餘，仲會帶來特別嘅唱歌舞台，上個星期就有羅毓儀同譚嘉儀作客，二人分別演唱動漫歌《美少女戰士》同大熱嘅《IDOL》。

今個星期就請到周志康同周吉佩做嘉賓，兩位大哥哥同一班年輕人打成一片，毫無違和感，唔單止冇代溝仲玩得好開心，而兩位亦都帶來誠意十足嘅唱歌舞台，阿康同聲夢2嘅金永恆jam歌，一齊自彈自唱張敬軒嘅經典歌《酷愛》。

至於吉吉就演唱自己嘅歌《你是我唯一的》，見到有好多吉S粉特登由香港到澳門陪自己出外景，吉吉當然表演得更加落力喇！