吃貨橫掃深圳丨梁凱晴歎椰子熱油按摩似置身泰國 彭慧中邊浸牛奶浴邊玩吹泡泡

陸浩明、梁凱晴、彭慧中、林秀怡主持嘅《吃貨橫掃深圳》，四位主持繼續捐窿捐隙尋找高 CP 值美食，包括攞米芝蓮攞到成幅牆都係獎狀嘅 Fusion 點心餐廳、抵食又新鮮嘅日式鐵板燒餐廳、任食活海鮮，連湯底都可以自製嘅自助火鍋餐廳、適合打卡嘅泰式靚景café、環境同食材均屬上乘級數嘅高級素食餐廳等，另外四人還會帶觀眾體驗登台式唱 K，6 號更會發揮「食平啲」本色，深入有深圳流浮山之稱嘅「蛇口市場」開天殺價買平價海鮮。
四位主持深入「蛇口市場」開天殺價買平價海鮮。6號發揮「食平啲」本色，開天殺價買平價海鮮。
講到第四集重點餐廳，首推日式鐵板燒及米芝蓮Fusion點心餐廳，林秀怡更會大派北上覓食貼士，教大家點樣以最便宜嘅價錢享受最高級嘅味道。先講共有 11 道菜嘅日式鐵板燒，雖然主菜係新鮮龍蝦、和牛同肉眼任揀，仲有手握壽司、鵝肝多士等其他美食，又可邊食邊欣賞師傅「熊熊烈火」嘅表演，但價錢都只係人均200幾蚊港紙，相當超值。
梁凱晴同彭慧中都食到笑逐顏開。
至於米芝蓮Fusion點心餐廳，則勝在可以以最common食材，做出最唔common味道，主打菜式內有真‧菠蘿蓉餡料嘅「招牌菠蘿包」、「藤椒蝦餃皇」、以 40 分鐘手打魚肉製成嘅「欖仁白燒賣」同「燒味三拼 （黑叉燒、脆叉燒、燒鵝）」等，煮法及用料都係其他點心餐廳少見，加上食材新鮮美味，難怪梁凱晴同彭慧中食到笑逐顏開。
梁凱晴同彭慧中都食到笑逐顏開。
而第五集嘅重點餐廳， 非高級素食餐廳莫屬，雖然 12 道菜嘅人均消費高達 745 港幣，但用料相當講究上乘，包括有 25 年老菜甫及９年原生百合等，而且餐廳更會另外送 上 3 道隱藏菜式，加上極適合打卡嘅舒適優雅環境，絕對是物超所值。林秀怡更指餐廳為咗做到「不時不食」，一個月會換一次菜單，保證食物質素之餘，亦能令顧客更有新鮮感。
彭慧中嘗試牛奶泡泡浴。
除咗又玩又食，梁凱晴同彭慧中更結伴享受 CP 值極高嘅泰式精油按摩，圍住浴巾嘅二人，喺宮庭式嘅環境下分別享受咗店舖嘅招牌椰子全身熱油Spa 及牛奶泡泡浴，童心未泯嘅彭慧中大玩吹泡泡，全程享受到闔晒眼嘅梁凱晴笑言：「間房點埋椰子香薰，好有亞熱帶 Feel，真係好似去咗泰國咁。」 
梁凱晴享受店內招牌椰子全身熱油Spa。
《吃貨橫掃深圳》逢星期一至三 22:30 翡翠台