逆天奇案2丨馮盈盈返港偶遇森Sir崩潰爆喊 暖男高鈞賢決心幫Ana解開心結

《逆天奇案2》噚晚（15號）播出嘅一集，Ana（馮盈盈飾）終於登場。上輯Ana因為自責令森Sir（陳展鵬飾）同阿Wing（林夏薇飾）分手，決定遠走他方離開香港呢個傷心地；後來喺紐約同電腦奇才喬天祖（高鈞賢飾）邂逅成為情侶。

馮盈盈回歸喇！馮盈盈同高鈞賢 Sweet 到爆。

天祖因工作關係飛到香港，須停留一段長時間，Ana為咗天祖終於鼓起勇氣飛返香港。原本打算勇敢面對過去嘅Ana，點知喺蘭桂坊同森Sir巧遇一刻崩潰爆喊，令天祖大為擔心…Ana最終向天祖坦白往事，天祖不但未有介意，仲決心幫Ana解開心結。

高鈞賢「神還原」紐約愛巢，暖男指數爆晒錶！19 (6).jpgAna在蘭桂坊與森Sir巧遇！

盈盈噚晚一集喊戲連場，內心情緒相當複雜：「事前我搵咗泰臣做我演戲老師，預演過後先正式拍攝，務求可以更加投入同掌握到劇中嘅感情戲。」講到《逆天2》喊戲連場，盈盈坦言：「今次係我入行以嚟，拍過最多喊戲嘅一套劇，唔多唔少都會令到我喺拍攝過程中心情受影響。」盈盈大讚劇中CP拍檔Matthew唔只喺劇中係暖男，現實生活都係一樣，好親切同好識得照顧身邊每一個人。

馮盈盈重遇番陳展鵬，當場崩潰爆喊。盈盈劇中喊戲連場，內心情緒複雜。 今晚一集，盈盈同薇薇面對面道歉加剖白心聲。

今晚（16號）劇情將上演重頭戲，Ana同阿Wing見面剖白心聲兼道歉，Ana再度哭成淚人，盈盈話：「呢場我同薇薇真情剖白嘅重頭戲，係將我哋兩個角色心結解開嘅契機，所以我哋拍攝前都好認真看待，事前特意溝通咗好多次，一齊傾點樣演繹出來效果會比較好。」盈盈仲講到呢場戲好重要：「因為呢場戲，唔單止畀Ana可以講出抑壓喺心底好耐嘅說話，令阿Wing對過去釋懷，放下以前一切重新出發，帶出愛人必先自愛呢個訊息。」

今晚一集，盈盈同薇薇面對面道歉加剖白心聲。盈盈再次哭成淚人。Ana講出抑壓喺心底好耐嘅說話， 令阿Wing對過去釋懷，放下以前一切重新出發。

《逆天奇案2》逢周一至五晚上8點30分翡翠台播映