芷珊約您丨靠交情打動安仔首談安心事件 黎芷珊笑談與張敬軒爆房

TVB全新節目《芷珊約您》於4月21號起逢星期日晚上9點半播出，主持黎芷珊走訪世界各地，貼身追訪樂壇紅星，紀念佢哋演唱會嘅珍貴片段，更一齊暢談人生，節目用咗超過1年時間籌備同製作，芷珊對節目寄予厚望。

芷珊坦言嚟緊星期日首播，心情有啲緊張，唔知觀眾鍾唔鍾意呢個新訪談節目嘅形式，畀大家睇一啲幕後準備工作，讓大家了解藝人一啲演出前嘅小習慣，節目嘉賓張敬軒、楊千嬅、王嘉爾（Jackson）、溫拿、草蜢、許志安及陳慧琳。

安仔預告片一出街立即引起好大迴響，原來芷珊係靠交情打動安仔，更首度開腔回應安心事件，安仔形容為一世傷疤，芷珊更笑談同張敬軒「爆房」，讚王嘉爾親切零架子，芷珊大爆邀請嘉賓試過食檸檬！