我談的那場戀愛｜北京國際電影節首映 君如擔心阿女冇拖拍 MC粉絲入場導演：貪佢夠邋遢

吳君如 主演嘅新片《我談的那場戀愛》，繼參與香港國際電影節後，近日再參與第十四屆北京國際電影節嘅「光影浪潮·香港電影新動力」作內地首映，君如亦同監製陳慶嘉、秦小珍，仲有導演 何妙祺 飛到當地，現身日前開幕禮紅地氈。

君如與監製導演等一齊參與新片北京首映同分享會

佢哋星期五又出席喺北京電影學院同首都電影院舉行嘅放映會，兩場都獲觀眾激讚，反應相當熱烈。新片故事圍繞君如同男主角 MC張天賦 之間嘅一段網騙情緣，觀眾映後踴躍發問，君如亦分享自己嘅戀愛觀，仲自爆擔心愛女Jillian嘅感情生活。

君如呢日仲爆出對乖女嘅感悄生活有唔少擔心

戲中飾演網騙集團分子，偽裝為外籍石油工程師嘅MC，於社交程式行騙君如飾演嘅中年失婚婦，有年青觀眾睇完後大讚劇情寫實，仲向君如請教戀愛時係咪應該完全將真實一面展現，君如就笑指年青人將愛情睇得太複雜，又以自己女兒做例子：「我覺得現在年輕人真的好像所有的東西都很壓抑，這部戲最重要是主角沒有看過對方卻動了真情，但你真的要有過約會，要有自己的思想，覺得可以才可交往下去，所以我都非常擔心，我女兒找不到另外一半，不停問她你有沒有喜歡的，每一次我問她，她都是在聳聳肩說沒有，我覺得人需要戀愛，非常需要，最近我學了一句話，不要挖到底，不要想太多，你喜歡隔壁的女生，你就跟他說，你好漂亮，如果是我聽到會開心很久的。」。

至於MC被選中演出，導演竟然指係因為佢夠邋遢
      
戲中飾演充滿時尚感婦科醫生嘅的君如，亦獲監製秦小珍感謝，指君如出動私伙靚衫加手袋加強角色造型，君如就大笑回應：「你好像講到我非常崇尚名牌。沒有沒有，其實我只是拿幾件衣服和包包出來，只是因為偶爾去買一個，偶爾又去買一個，然後只買回家打算珍藏，但是都沒用，想不到今次它們有用處，哈哈。」

君如片中出動唔少私伙靚衫靚袋拍攝

客串演出嘅 鄧麗欣 同男主角MC演出都被影迷讚賞，現場亦有唔少MC嘅內地粉絲，仲問到點解會選擇偶像扮演騙徒，導演話：「是君如老師推薦張天賦的，然後我是在演唱會看到他以前在香港街頭busking演唱的照片，看到就覺得對了，因為他也是傻傻的很邋遢那種，跟角色一樣都不知道自己在做什麼的樣子。」導演仲認為擁有一把靚聲嘅MC係主角嘅不二人選。