陳展鵬嘆因阿女冇晒驚喜 周吉佩盼開《日本18種住法》續集

陳展鵬、潘靜文（Sherman）、《中聲》唱將等為全港運動會開幕活動演出，Sherman首度跟展鵬演出音樂劇，展鵬演Sherman嘅爸爸，呢個組合相當新鮮。

4月19日係太太單文柔生日，展鵬笑指阿女「小豬比」Quinta喺媽咪生日前每日都講生日快樂，搞到冇晒驚喜，展鵬透露原本想遠啲地方去玩，但係太太好享受同愛女相處，所以展鵬留港安排咗去一間餐廳食飯兼準備咗一束花，夜晚時間就同阿女一齊切蛋糕。

周吉佩同李佳芯主持綜藝節目《日本18種住法》喺紐約電視電影節獲獎，吉吉首度主持旅遊綜藝就拎獎，佢話打咗支強心針，希望好快開續集，吉吉話有諗預埋中一生合作，顏志恒、羅啟豪及支嚳儀都話食嘢玩都得。

而中二生顏米羔早前申請電影發展基金成功獲批，目前籌備開拍當中，顏米羔預計中二生踴躍客串，身旁嘅古淖文及譚輝智即自薦演出。