公屋富戶 | 公屋富戶政策收緊月入$5萬3人單親家庭月租增至$1萬：點儲錢畀首期？

【公屋/富戶政策/單位/租金/單親】一名男網民在Facebook群組「公屋討論區」發帖，指有朋友一家3口是單親家庭，現居公屋單位。

男事主透露單親媽媽月入1.5萬元，2名兒子分別月入1.8萬元，3人合共月薪5.1萬元。在最新公屋富戶政策下，一家3口每月租金將由原本的4,000元，增加至1萬元。

對此，事主認為並不合理，並代對方詢問網民：「點儲錢畀首期？租金佔入息2成，點生活？代朋友問。政府財赤搶錢，房署做幫兇。」

網民：有咩問題 VS 轉兼職

帖文曝光後，不少網民指一家3口每月入息算高，繳交較高租金屬合理，認為已比很多低收入家庭幸福，亦有人建議母親改做兼職工作，「嘩，搵咁多都話生活唔到？咁好多搵得少過你嘅人咪要死咗佢！完全唔使生存！」、「租金佔入息2成，真幸福」、「5萬收入，交1萬租有咩問題」、「都係交多6,000啫，3個人加埋搵5.1萬，好過好多人。按百份比，10,000/3每人都係3,000幾租，仲有每個月1.5萬畀你用，幾多人每個月1.5萬都布」、「叫媽咪轉兼職，唔好做全職」、「唔好搵咁多錢，迫人向下流，成個社會都退步」。