【綠置居/公屋/申請/訂金/要求/撻訂/止蝕/居屋】一名女網民在Threads發帖，指早前以自己的名義申請「綠置居」，打算將來跟不夠50歲的母親同住，並已支付12萬元訂金。
母親邀男友同住
惟事主指最近母親稱日後「上樓」後，其男友都會一起同住。對此，事主指自己「點可能同個三唔識七嘅麻甩佬一齊住」，加上母親現已無工作能力，相信她日後都不會支付裝修費用，加上母親為人「做乜都係唔經大腦、唔理後果」；而其男友則為「麻甩佬都係廢柴一個」，她認為繼續下來只會招來損失，並為此詢問網民意見：
「想問吓大家有冇咩意見，我哋就因為呢個問題嘈咗好多次，如果繼續交易，我係咪損失會更加大？定係要及早止蝕？我應該點算？」
事主其後補充，稱兩母女已為此「反晒面」，她最後決定不會買居屋，「我都估唔到結果係咁」。
網民批自私：留番喺公屋蝕最少
帖文曝光後，不少網民都批評事主母親自私，認同她撻訂的決定，「Sorry，但auntie係咪應該要有番少少危機意識？」、「我細個exactly就係咁樣，我媽仲換幾個男友添，其中一個真係要成日喺度瞓，好煩。其實阿媽真係好自私，到個麻甩佬走咗又會情勒你」、「擺明嗰條佬有份諗橋，你媽而家畀人朦咗，講咩都冇計㗎啦，12萬止蝕值得」、「你媽完全係趁你畀咗訂先夾你，已經信唔過了，為咗自己下半生福祉，留番喺公屋蝕最少，起碼佢帶埋條佬喺公屋住，你仲可以自己出去租」。
【延伸閱讀】