【公屋/上樓/首派/小西灣邨/單位/優點/格局/四正/設備/露台/網民】一名女網民在Facebook群組「香港公營房屋討論區」中以匿名發帖，表示一家4口在2019年申請輪候公屋，因有家庭成員患有專注力不足/過度活躍症，故房屋署以5人計算。
事主透露在2025年11月中轉排市區隊伍，12月初見房屋署主任接受審查，同月31日補交資料，今年2月初收到「合格信」，3月6日就獲首派柴灣小西灣邨瑞隆樓一個面積453呎的4至5人單位，每月租金2,973元。
首派小西灣邨列舉5大優點
對此，事主自言本身已在小西灣居住10多年，獲派單位鄰近老爺、奶奶居住的居屋，路程僅5分鐘，加上周邊設施齊全、孩子上學方便，最重要是單位已完成翻新，故馬上就接受配房，
「一派即畢業，主要周邊太方便了，好難唔接受，小朋友都唔使轉學了，全部都翻新好晒，今日睇樓即時簽約入伙拎鎖匙，準備裝修。」
事主表示，本來可獲更新以6人名義輪候單位，但既然首派小西灣邨4至5人單位，加上地點方便，就不打算等二派，「唔想再等了，呢度就近方便，下次都唔知派去邊。我哋唔近墳場，出門口就係街市、巴士站綜合大樓，超方便，睇地點方便先要，如果要上山我就唔要，等二派了」。
單位格局四正日光充足
從事主分享的照片和影片可見，單位格局呈長方形，非常四正、容易間隔，牆身已髹好淺黃色油漆，窗戶又夠多，白天日光充足、環境光猛，廚房還有一個小露台，事主僅略嫌廁所較小，而她計劃間房、把牆身油成白色、鋪地板、修好地腳線和牆線、遷入家具和電器就可入住，
「聽樓下保安講前屋主賺到錢買到居屋搬走咗，話風水好好。不過都滿意喇！冇要求咁多，有得住已經好感恩。」
網民：整埋工人房都得
帖文曝光後，不少網民都大讚單位實用、面積大，紛紛留言恭喜事主，「間格好正，又平租，仲有小露台，不得了」、「抵到爛」、「你呢個點止4至5人、應該係6至8人單位嚟」、「又大又靚呀！恭喜你呀！」、「最緊要係近屋企人，仲要勁好彩派咁大，整埋工人房都仲得」、「你真係好彩，當年我4人派嘅單位只係310幾平方嗰隻，如果有咁大，我一定會要咗，恭喜晒」、「單位好大喎，四正，又有小露台，可以晾衫同放洗衣機，恭喜晒」。
【延伸閱讀】
公屋輪候 | 56歲港男排公屋14年 患癌預期壽命剩5年 獲派單位疑惑應否收樓