【公屋/申請/成年/居屋/私樓/綠表/網民】一名女網民在Facebook群組「公屋討論區」中發帖，表示曾跟丈夫購買居屋，但在20年前賣出，現有私樓是用丈夫名義自住。
她表示兒子快將18歲，想抽居屋單位，遂詢問網民應以兒子一人名義抽，還是可以加她的名字作為二人家庭，
「因為希望買面積較大的來成家，所以想變為家庭組合，是否會比一人申請可選擇較大的單位？如果兩手準備，排定公屋可以嗎？」
網民批評「呃多層公屋」
然而，不少網民不滿事主想排公屋的想法，認為她是想「呃多層公屋」，「你話抽居屋，代表有能力買居屋啦，咁排咩公屋」、「公屋係畀有迫切住屋需求的低收入人士的基本生活保障嚟！咁有錢仲要乞丐兜度攞飯食」、「明顯係福利重疊，只可以用個仔名白表抽居屋」。
事主回應：名正言順申請
對此，事主認為兒子符合資格，不解網民何以批評他們欺騙資源，「佢係香港人，只要資產合資格，就係名正言順嘅申請，點解用個『呃』字？我自己有樓，佢第日結婚生仔，我間屋都唔夠住，佢唔可以有自己嘅屋咩？合資格有嘢唔明唔可以問咩？」
事主又指目標只是想買居屋，「排公屋只不過諗緊到時可唔可以將輪候冊上邊嘅紀錄轉為綠表資格，抽中機會大啲」，
「我只係想問吓我可唔可以加個名落去做成員，變成家庭，因為我唔肯定一人申請者係咪唔可以揀3房單位。如果唔得的話咪叫佢自己一個人名用白表申請囉。但係諗緊如果抽幾年都抽唔中，會唔會一開始就排埋綠表，等到綠表有資產審查嘅時候，就用綠表資格買居屋會快啲買到。我亦都從來冇諗過真係要入公屋，因為佢將來會超越資產上限。」
【延伸閱讀】
公屋離婚 | 接內地妻兒來港 公屋男揭兒子非親生怒離婚 親戚：個細路唔似佢 網民憂事主被騙