天雨路滑，司機們開車切記要小心。周二（7月1日）中午約1時，粉嶺往吐露港公路方向、近廣福邨一帶發生一宗驚險交通事故。一輛白色5.5噸密斗貨車在高速行駛期間突然失控，場面驚險。
吐露港公路貨車開快車失控
從網上流傳車Cam影片可見，涉事貨車在濕滑路面上高速行駛，疑似因失控而突然打滑，車尾猛烈擺動，更打「白鴿轉」式飄移，最終橫跨三條行車線後，橫向停在路中。所幸事件中未有其他車輛被波及。
影片截圖：
網民質疑前方工程車影響
影片引起不少網民關注，有人認為下雨天應更小心駕駛，亦有人幗面工程車或是「元兇」，令貨車收掣不及，「好危險呀」、「的士好身手」、「個密斗有冇需要開咁快呀？」、「個密斗車司機有冇需要開咁快呀？」、「貨車佬淨係識衝唔識收」、「如果唔收直鏟工程車，收唔扭呔咪唔會甩囉」、「啲工程車停灣心真係要正視下，我都試過差啲炒車。」、「呢單80%工程車問題！停車起碼50米前要放雪糕筒」、「呢個位真係老是常出現意外」、「吐港有工程車封一線唔係行80或50咩？」、「貨車司機好身手，咁都救得番」、「㗎電單車都唔知收唔收得切！」、「成日喺馬路上見到呢啲炸彈，不停追車尾！」、「工程車真係馬路炸彈」、「快線26司機有危機意識，能收慢避開一劫」、「點會出灣位擺工程車係咪癲架」、「工程車係喺快線盲彎」、「架工程車好差」、「似撞到的士不過的士冇失控？」、「呢個位通常我都係行中線穩陣，盲灣搏唔過」、「又係啲工程車，幾次見到嚮彎心停」、「工程車停快線？又無雪糕?」、「的士大佬好技術」、「有無權要求交警，做路面詳細記錄，因為箭咀車擺放位置不當，如果查完證明係箭咀車有問題。。。可唔可以追討賠償」、「之前吐公出九龍，近廣福邨入口，快線出灣心又係有架工程車停起度，好彩當時冇車起中線」。