畢業證書可謂非常重要，不論是見工還是升學，都是一個證明，但近日有一名港大中醫碩士生，疑在街上不慎遺下自己的畢業證書，幸被好心人撿獲並放到網上「尋人」，引發網民熱議。
港大中醫碩士生天水圍遺畢業證書
日前有好心人在社交平台上發文，指撿獲一張畢業證書並寫道，「無諗過學歷依家貶值到咁⋯証書都唔要喇？Anyway同學，加油啊。你個野幫你拎左入天水圍圖書館，自己拎返喇，You are welcome」。
而帖主又上兩則影片，可見撿獲的畢業證書上，寫有「香港大學中醫學碩士」。
事主現身網上親解事件
事件被放到社交平台後，事主火速網上現身，並回覆帖文，「多謝樓主幫我執返，我請你飲涼茶」，引起多人討論。
另有網民以證書上的名字搜尋，發現事主為本港一名執業中醫，平時亦有在網上拍片宣傳中醫相關資訊。
網民反應不一
事件引發網民熱議，有人認為事主能讀到碩士畢業非常了不起，亦有人指事主疑欠缺責任心，不敢去問診，「中醫研究到最尾係咪即係西醫」、「冇晒中醫 都唔好去問診，奇怪責任心。」、「港大中醫碩士好勁！respect」、「我懷疑當時佢用來做坐墊，點知唔記得拿返走」、「第一次見marketing 可以咁做，又學到嘢！」、「全行都知張小姐整唔見張畢業證書」、「呢款係用嚟裱起，應該係預備放喺診所」、「學歷而家已經貶值到變成一張廢紙」、「我信中醫喎，唔好咁對張證」、「張紙嚟姐，學校有record就得啦」、「港大畢業嘅就係咁chill」、「碩士係會有塊牌咁好？定自己搵人定制個版？」、「又想試流量密碼？」、「買番黎嘅對於有錢人黎講唔值」。