元朗發生交通意外,一輛私家車狂飆失控。周日(7月13日),一輛白色私家車在青山公路元朗段往錦田方向高速行駛,途中疑因切線失控,自炒撞壆並翻轉橫跨車道。事發一刻車Cam影片在網上流傳,引起熱議。
![]()
私家車失控直撞右邊石壆
片主帖文留言「小心馬路炸彈」,並附上一段長約37秒的車Cam影片。
據車Cam影片所見,該車沿慢線高速行駛,駛至近元朗東成里路交界時,疑因欲切向右線超越前方巴士,結果失控直撞右邊石壆,車輛打轉半圈後調頭停在兩條行車線之間,車頭嚴重受損,地面留有明顯車胎痕;網上片段又顯示,事後有兩名非華裔男子從車上落車,圍繞車輛查看情況。
影片截圖:
![]()
![]()
![]()
![]()
![]()
![]()
![]()
![]()
網民:太有自信
事件引來不少網民批評,有人質疑司機駕駛技術,亦有人擔心公路安全問題,引起關注,「好彩冇撞到其他車」、「有無停車笑?」、「搞到揸開油車都以為自己手車好好,太有自信」、「直路都炒到爆油缸」、「巴基之神車」、「直路都炒,呢條路都算幾靚啦喎」、「開得快還是無用呀」、「我期待的事情有出現,但睇唔到,片主太慢了,無追上去。」、「一定係巴士錯,如果唔係多條線行駛炒」、「好彩無撞到其他車」、「手車有料嘅,其實快都無乜所為」、「幾好丫,無炒到人地」、「一片證明百咪都可以停車,衹要你有專心駕駛!」、「又無技術又要快」