黃大仙發生交通意外，一輛泥頭車與電單車起碰撞。網上社交平台近日流傳一段影片，有泥頭車在黃大仙撞到電單車，期間鐵騎士飛出車外。事發一刻車Cam影片在網上流傳，引起熱議。
泥頭車黃大仙與電單車起碰撞
片主帖文留言「司機爭啲GG呀」，並附上一段長約22秒的車Cam影片。
據車Cam影片所見，一輛電單車正沿黃大仙龍翔道行駛，駛至近黃大山中心對開時，疑因欲切向右線超越前方泥頭車，結果雙方起碰撞。電單車鐵騎士頓時飛出車外，險被其他車撞到；而其電單車則衝去巴士站停下，之後泥頭車亦停下，影片結束，未知最後情況。
影片截圖：
網民質疑雙方司機駕駛技術
事件引來不少網民討論，有人質疑電單車司機駕駛技術，亦有人擔心交通安全問題，引起關注，「公路開得慢係好危險」、「揸得慢以為安全學壞手勢」、「要按道路環境調節車速，快不一定危險，但高速路慢過一過點就好危險，而家D師傅教壞人。」、「有可能係泥頭車超速，如果係就係超高速，但係而家冇辦法證實。」、「今次如果開快小小應該玩完」、「真係唔好揸電單車，今次執返條命！」、「揸電單車，真係唔可以慢架」、「好多人揸車出就快跟著收慢」、「永遠擰頭睇係重要個睇鏡~」、「Cut 就cut，唔好慢慢黎」、「唔好話大車蝦細車，大車視線清晰明顯見到有架綿羊仔仲比油沖埋去。」、「上次已經累死拖頭」、「揸得慢唔一定安全，咁樣慢出唔比油，仲危險」、「慢得嚟仲要唔睇後面有冇車就Cut線！」、「黄大仙呢個位的車衝住落黎真係要望清楚」、「開咁快托咩，盞攪到自己」、「兩個都唔抵幫」、「執返條命！拜神！」。