近日網上流傳一段影片，一名巴士車長在行駛至高速公路期間，因不滿車內一名男子大聲播放影片，情緒激動地停車與乘客發生爭執。事件發生於北區一條巴士路線，接近「欣盛苑」站，引起網民廣泛關注。
男子播片聲量高引車長不滿
據樓主分享的影片顯示，涉事男子坐於巴士下層靠走廊位置，播放影片聲量高，引起車長不滿。車長情緒激動地走到乘客面前斥責：「依家你騷擾到我呀！你好似好唔滿意我咁！我依家開唔到車啦！」並表示歡迎乘客投訴：「你記低個車牌！」。期間其他乘客多次勸交，呼籲雙方冷靜：「細聲啲啦，熄咗機，去開車啦。」但該男子仍不服氣，反駁：「依家都無聲……」、「梗係啦，無端端畀你『拮』。」車長則繼續怒斥：「你好似好唔滿意咁喎！」
車長情緒未能平復照開車
衝突升級至男子舉手機拍攝，車長即時喝止：「你唔好影呀！」並警告：「你騷擾到我揸車，我就開唔到車啦！」乘客見狀再度勸交：「好好好，揸車揸車，大家都趕住時間。」但男子仍堅持：「我熄咗機囉喎。」乘客即時制止：「阿伯你唔好出聲啦。」
車長情緒未能平復，表示：「你投訴啦，我索性唔開車啦！」並打電話通知上司安排替代車輛。其後乘客群起勸阻該男子，並向車長道歉：「阿哥呀，對唔住啦。」但男子拒絕：「咩對唔住啫……」
樓主表示，事件最終在群眾壓力下平息，車長情緒稍作平復後答應繼續駕駛，完成整段旅程。樓主坦言，雖然感謝車長堅守崗位，但其情緒激動一度令他感到不安：「即使知道佢做嘅嘢係啱，都會驚佢影響判斷。」
影片截圖：
事件引發網民熱議
事件引發網民熱議，有人支持車長維護秩序，也有人關注司機情緒管理與道路安全之間的平衡，「或者有d人唔知對聲音敏感既人，太嘈真係會令司機分心兼情緒高漲。」、「一味只說投訴說危險的，又有否計算過如果司機繼續在嘈音環境下的潛在危險又有多少？」、「車長管人睇片係啱，但係高速度停車就真係不敢認同。」、「班廢老幾時先會用耳機呢？」、「我就唔信個司機喺Highway中間停，點都係打死火燈埋路肩停啦，咁有幾危險呀？」、「廢佬問題 點解會blame司機情緒激動」、「多數司機自己出手叫客熄聲前已經用咗錄音 PA 叫咗一兩次，片中個廢伯仲要唔認衰同個司機理論，司機大聲啲其實好合理。」、「司機鬧得好，但我都明白你驚既心情」、「作為長時間被騷擾乘客，我撐司機。」、「司機位係好應聲，係非常應聲，試諗下當你好專心做緊野，你老細係你身邊唐僧上身咁吚吚哦哦，你諗下燥唔燥底」、「唔好話司機，係後面坐都覺得心煩」、「你重有命放段片上黎及冇講佢手車有幾危險，即係佢人沒問題。」。