近年除的士行業外，小巴行業亦走向式微之際，不過在低谷中，仍然有人選擇輕鬆面對。近日一名小巴司機在空餘伸展筋骨，跳出優美舞姿，更被封「小巴界舞王」。
小巴司機空餘伸展筋骨被封「小巴界舞王」
有網民日前在社交平台發片，指在一個的士站，一位小巴司機沒有急開車著接客，而是站在車旁，悠然地跳出舞步。據影片所見，該名小巴司機疑跳着韓星「Blackpink」的歌曲。
網民讚：跳得好過韓星
不少網民表示，小巴司機悶中作樂，總比吸煙危害健康好，亦有人讚司機跳得好過韓星，「長期坐好易有靜脈曲張，做下運動啱」、「被小巴耽誤咗既舞蹈家」、「中咗六合彩嘅我 應該都會咁」、「元朗去屯門站頭搵到佢」、「睇得出有跳茶舞」、「跳舞唔緊要，千祈唔好有病就得啦」、「跳得好過韓星」、「跳得唔錯」、「我小巴佬何嘗不想成為偉大舞蹈家吖」、「唔影響人佢開心ok喎」、「同線有一個一路行車一路唱歌，唔肯定係咪同一個」、「人地坐成日做下運動舒展筋骨啫，增加血液循環」、「螢光舞王」、「做到累..我要學識放鬆自己..學到未？」。