司機揸車定要加倍精神，不然容易發生交通意外及車禍！網上日前流傳一段車Cam影片，一名司機揸車時疑發夢，誤將「油門當Break」踩，最後撞向前車引致車禍。
車Cam直擊｜司機揸車發夢「油門當Break」踩
影片周四（8月7日）被網民上傳至社交平台，據影片所見，一名車主在港島皇后大道東、近伊利沙伯體育館前駕駛，其後駛至跑馬場馬場附近，遇上前方燈號停車，後方突然有一輛Tesla私家車出現。
該Tesla私家車司機看似想停車，惟揸車時疑發夢，誤將「油門當Break」踩，最後撞向前車，連撞兩輛的士，車主後方的士更險撞其車，嚇得片主表示，「好彩.....差兩吋就中.....咁都撞埋去.....發緊夢.....」。
影片截圖：
車Cam直擊｜網民：係咪又㩒緊電話？
事件在網上引起不少市民討論，有人與片主一樣認為司機揸車時可能在發夢，亦有人質疑該私家車司機是否因玩電話而分心，導致車禍出現，「今次係80歲呀伯定係呂司機」、「睇電話?」、「又係80歲司機?」、「兩個的士佬接財神lu」、「劇情有驚喜，值得推介」、「個天收人、總有佢嘅辦法」、「突然比大油，係咪又㩒緊電話....」、「咁都有得撞完全係發緊夢」、「真係唔好彩」、「全年最佳雙膽」、「白車突然加速撞埋前面，抽筋？」、「的士佬仍然單手伸出窗外」、「正吖！肥豬肉送到入口」、「香港腳發作姐」、「需吾需要考過個牌呀?」、「油門當break」、「T車下年保費貴過部車」、「白車當時有收慢，但唔知咩事突然衝前，可能鬆咗腳剎，有啲車一鬆腳剎就會衝。」。