巴士上突然出現「不速之客」？近日有巴士車長在網上發帖文，指行車期間，發現一條蛇在車上出現。但車長未見恐懼，他更將事件拍下並放到網上分享，吸引網民討論。
巴士「不速之客」坐霸王車
該名車長疑駕駛九巴「271」線，他在帖文寫道，「蛇大佬，搭霸王車，啪卡畀車錢啦！又咁講，大熱天時，搭車嘆冷氣，蛇之常情吖。唔好騷擾佢嘞！講真，9成係乘客漏低㗎啦。」
據他發布的影片所見，一條小蛇在司機位的錢箱處走動，而他身形細少，疑為出生不久；另一照片亦見小蛇在「伸脷」，好像完全不怕人。車長又表示，「條蠎B應該冇毒嘅，唔會影響駕駛囉，繼續工作，到總站就Call漁護嚟捉9走去啦！」
網民揭原來為港原生物種
車長將事件拍下放到網上分享，吸引網民討論。有人據蛇的花色來看，指出應為本港原生土長的蛇品種「緬甸蟒」，亦有人指這種蛇無毒，建議找專業人士將牠放生，「年紀尚小，放生積褔」、「蟒蛇仔冇毒不過都咬人」、「緬甸蟒BB，香港唯一原生土長蟒蛇物種」、「🐍:Sorry呀司機大佬😭我想拍卡的時候張八達通跌咗落條空隙度，而家爬落去執番張八達通」、「應該緬甸嚟，大咗好似可以去到三米」、「球蟒喎冇毒㗎，應該係有人走失 ，call漁獲嘅話應該都人道毁滅/俾人領養」、「🐍:司機大哥請等等，搵緊八達通」、「蛇仔好細個咋喎」、「好似直接搵蛇王/嘉道理好過漁護」、「call漁農處 = 九死一生」。