香港有不少車主養車，當中最重要就是入油，近日網上流傳一段影片，一輛私家車在本港一個油站入油期間，疑「入爆油缸」致汽油溢出，拍片者大聲提醒職員惟無人理會，事件在網上引起熱議。
油站入油「入爆油缸」汽油溢出勁危險
該段長約12秒的影片自8月11日起在社交平台群組瘋傳，據片中所見，一輛私家車疑在油站入油中，惟該車的油缸已入滿油，出現「入爆油缸」情況。當時拍片者亦出於好心提醒在前方的油站職員，惟沒有人理會他。
影片中，疑似為汽油的液體不斷從私家車旁溢出，而油槍亦一直插住車的加油位置。若當時有火花燃起，很容易發生爆炸及火警，後果不堪設想。
影片截圖：
網民：爆起上嚟一齊死
事件引起不少網民留言，有人指非常危險，認為很容易發生意外，亦有人指以前已有聽聞過類似事件，籲車主入油要打醒精神，「爆起嚟，拍片嗰個都死」、「哇，爆起上嚟一齊死」、「真 • 打爆油缸」、「架車全部係油， 唔洗乾淨都唔敢開」、「隨時爆燃」、「咁張單點計？」、「驚還驚，記得畀錢」、「乜唔係自己會停架咩？」、「地下都濕應該流左好耐」、「爆到瀉」、「想知最後邊個找數？...」、「支搶唔識自己彈嘅咩？漏出嚟嗰啲點計呀？」、「就算唔識彈槍，這樣噴發出來職員都應用及早留意到吧? 不怪油站走去怪拍片那個?」、「吾識彈槍，今次吾知點計」、「會唔會成缸油唔洗找數？好難計到」、「車身會好傷，如果發生喺我身上，我一定告油站」、「何其壯觀啊」、「架車唔洗要啦」。