東鐵列車日前發生「離譜一幕」！一名攜同小童乘搭列車的大媽，在上車時疑踩到一名「細路女」，不過大媽拒絕道歉，其後更發惡罵人，叫人「返去坐頭等囉」，言行惹起公憤。
東鐵拖篋大媽踩細路女發惡鬧返乘客
一名網民近日在社交平台發文，指上周三（8月13日）於九龍塘東鐵站目擊一場罵戰，起因是一名拖著行李、身旁帶著小童的大媽在車廂內不慎踩到一名年輕女子，卻未有道歉，反而爆粗回罵，場面一度混亂，吵鬧聲更延續至火炭站。
據網民分享的影片顯示，影片開首大媽情緒激動，怒罵被踩女子：「咁X惡，我係唔say sorry呀，咁點呀？！」其後更挑釁對方：「你返去坐頭等啦，坐呢度仲咩呀！」
被踩女子冷靜回應：「你踩到我呀。」大媽卻繼續咄咄逼人：「我踩到你又如何？係咁碰碰撞撞㗎啦，你想點呀？」女子反問：「我係咪可以踩返你呀？」大媽竟回：「你踩囉！我畀你踩！」
影片截圖：
東鐵拖篋大媽爆粗反擊
當女子質疑對方是否會動手，大媽否認並繼續嘲諷：「我唔會打你，我點會好似你咁無理啫！」女子以英語回應：「You're being irrational（你不理智）」，大媽隨即爆粗反擊：「你算X吧啦，唔好係度講英文啦！」爭執引來車廂內多名乘客關注，有人出聲勸止大媽：「唔好嘈啦！」亦有人為女子出頭，批評大媽不講理：「你踩到人講對唔住啦！」。
惟大媽只辯稱自己「唔小心」，又不斷強調「肯定有碰碰撞撞」，甚至搬出銅鑼灣作比喻：「如果係銅鑼灣，你直頭上唔到車！」有乘客提醒她根據港鐵附例，車廂內不可講粗口，大媽則回應：「係呀？我唔知喎！唔好成日同我講英文！」她其後聲稱自己有道歉，但即被乘客揭穿：「你邊有講呀？」更有人怒斥：「你影衰中國人！」場面一度群情洶湧。
此外，值得注意的是，大媽身旁的小童全程未有發聲，有乘客提醒她注意言行。
唔道歉更大戰惹怒網民
事件引起網民熱議，不少人批評大媽態度惡劣，亦有人呼籲港鐵加強車廂秩序管理，避免類似衝突再度發生，「呢啲根本就係畜生」、「唔好丟架啦！仲要響朵話你係中國人」、「死不認錯，錯的永遠都是別人」、「踩到人hi到人其實一句唔好意思就可化解」、「被人發現仲鬧返人轉頭話自己啱個下，真係無恥到天下無敵」、「香港真係唔適合妳！香港係文化之都，妳一啲文化都冇。」、「又係d鄉音都未甩人士」、「冇得搞，始終未進化。」、「不知所謂！踩到人冇問題，自己比人踩到就話會打人。」、「好有質素真係」、「港鐵車廂管理0分...」、「真係巴閉」、「睇到好想大大力車佢2巴」。