乾淨美雅的公廁在香港，可謂鳳毛麟角，但近日有女生在社交平台分享一個令人眼前一亮的發現！該女生指，粉嶺北區公園的公廁不但乾淨企理，還有清潔阿姨定期更換鮮花佈置，令她忍不住大讚。
女廁用心佈置插滿鮮花獲讚「又靚又乾淨」
女生在社交平台發帖文，並寫道，「姨姨定期會換新花，覺得要加佢人工！」從她貼出的照片可見，洗手盆前的多塊鏡子都擺放了色彩繽紛的鮮花，包括白色、藍色、紫色及粉紅色，配上綠葉，用花瓶盛載，整體視覺感非常優雅。
另一照片則見地面乾爽無積水，整潔程度遠超一般人對公廁的刻板印象，足見清潔工的用心與努力。
街坊留言認同笑稱「龍咁威現實版」
不少街坊都留言表示認同，有人回憶去年也曾見過同樣的花卉佈置，直言「去呢個廁所係好開心！」更有網民分享自己曾在失業低潮期，常到該公園靜坐看書，看到廁所裡的鮮花，心情也因此舒緩不少，「見到啲花冇咁難過。」
此外，亦有網民指要寫信讚揚清潔阿姨用心，要讓更多人知悉，「但往往呢種員工都係比高層無視」、「香港也有咁靚公廁」、「我想問係咪剩係得女廁先至有花？」、「清潔姐姐：呢度我office嚟，當然要佈置得靚靚，咁返工先會返得開心」、「樂在其中，加油」、「阿姐系好enjoy 工作啊！把環境佈置得美美的。」、「好乾淨，牆上面嘅階磚反晒光」、「之前大埔火車站果個廁所都係咁好靚好乾淨，唔知係咪同一個姐姐。」、「多謝佢同辛苦哂用心令到個廁所咁舒服同乾淨。」、「清潔姨姨好好心機，希望d人見到咁靚咁乾淨都唔好意思整污糟佢」、「將自己嘅工作環境搞得乾淨，自己都舒服」、「真係次次去都好乾淨同有靚花睇」、「去呢個廁所係好開心未！開心有人同我同一感受！」、「廁所靚=心情靚=好生活」、「龍咁威現實版」。
