不少人坐港鐵都會避開優先座／關愛座，皆因擔心被批鬥！近日網上熱傳一張照片，畫面中一名長者女士坐在港鐵優先座位上，雙手高舉「樂悠咭」，疑擔心被批鬥。
港鐵長者坐優先座全程曬樂悠咭先敢坐
據照片所見，一名女長者坐在港鐵優先座位上，手拿着一張「樂悠咭」，似乎刻意展示身份。帖主感嘆：「依家連長者坐優先座都要攞張樂悠咭出嚟證明自己資格，香港人搭車真係壓力山大。」
網民形容：變咗「批鬥座」
不少網民留言熱議，有人認為該名女士主動展示樂悠咭，是以免被誤會，也有網民認為優先座變成「批鬥座」，指不少人也不敢坐，「遲下淘寶會唔會有樂悠卡買？」、「佢話：我交咗好耐稅，而家先至有唯一的福利，仲想點呀。」、「下次M痛要show條M巾出嚟」、「你坐唔緊要，最緊要有的廢老又唔坐關愛座，硬係要坐其他位，麻X煩」、「我前排做完手術，搭巴士坐關愛座，搞到我好焦慮」、「香港嘅情況已經比台灣好好多」、「我成日坐關愛座，媽咪成日問我要唔要借佢張樂悠卡掛心」、「有時候啲阿伯婆婆，人哋未落哂車，佢就一枝衝入車廂」、「所以而家我坐普通座位見到阿婆都唔會讓，要讓就叫坐緊關愛座既人讓」、「根本就應該取消」、「取消啦，會讓自然會讓，浪費咗個位仲衰」、「有啲拎樂悠咭嘅，個樣似未達標準」、「我屋企有個長輩個樣後生，但已經過65，而且以前做粗重嘢，腰，膊，膝都好多舊患，有一次坐巴士第一行，都有人鬧佢話佢唔應該坐」、「當年我有位中文老師都60幾歲，但係望落似50歲，精神狀態好好，比個70歲婆婆比關愛坐佢(佢要落車所以比人坐)。之後佢成程都勁緊張勁驚，係咁搵一個望落去年紀比佢大嘅人坐」、「我有次腳傷坐關愛座，都專登扯高條褲show D繃帶出嚟」、「我呢排勁鍾意坐關愛座，需然我仲未有資格拎樂悠卡」。
翻查資料，港鐵自2009年起陸續在各條鐵路線的列車車廂內設置優先座，「鼓勵」乘客讓座予有需要人士，包括殘疾、人士、孕婦、長者、手抱嬰孩及不良於行的乘客。
Threads@fifilai0822