網上流傳影片，一輛Tesla私家車超車時，想駛到旁邊行車線的一輛的士前方，期間收掣不及，撞向自己行車線前方的巴士車尾，影片引起網民熱議。
有的士司機在社交平台Facebook上載影片，顯示一輛Tesla私家車在其旁邊行車線，想「攝位」超車時，收掣不及撞向前方的巴士。
的士司機表示「唔係諗住攝車出嚟呀，其實後面都有位，係都要想喺我前面攝」。
Tesla私家車加速欲超車時撞向前方巴士
影片顯示，今日（9月17日）早上約8時，在青山公路葵涌段往九龍方向，近國瑞路花園位置，一輛Tesla私家車正在左邊線行駛，正加速打算切線到中線的一輛的士前方，但在過程中收掣不及，撞向在左邊線正準備進站的巴士車尾。
網民：教訓係要俾吓佢嘅
影片引起網民熱議，網民紛紛表示「發雞慢（盲）唔識收油」、「教訓係要俾吓佢嘅」、「抵X死 」、「賠X到破產 」、「巴士條數金囉」。
片中撞擊聲惹討論 網民：聲音好清脆！
有網民則把重點放在清脆的撞擊聲，指「撞果吓好清脆嘅聲音 」、「好X好笑！聲音好清脆！」、「聽到好治療的聲音 」。
有網民關注巴士乘客安全
有人則關注巴士上乘客的安全，指「下（吓），咁都撞？咁大架巴士，害死乘客」、「最緊要巴士乘客冇事」。
亦有網民分析，涉事Tesla私家車「擺明想cut，最後無位又停唔切」，有人則稱，感謝涉事Tesla私家車「教科書式警惕 」，並指「揸車真係要細心判斷 」。
相關新聞：
Tesla私家車在中環紅棉路路口 疑無視交通標誌違例駛入橫街
荃灣象鼻山路Tesla疑「自炒」撞壆 司機棄車逃逸 警現場檢獲懷疑毒品