超強颱風樺加沙襲港，天文台指，今日下午2時20分將改發八號風球，明晚較後時間或改發更高熱帶氣旋警告信號。本港多區出現海水倒灌浸地面情況，包括將軍澳及黑點杏花邨。
將軍澳海濱及杏花邨海水倒灌浸地面
網上影片所見，將軍澳近將南海濱已經有海水倒灌情況出現，海水不斷湧上直浸地面，情況誇張。至於水浸黑點杏花邨同樣出現海水倒灌情況。網上影片所見，杏花邨近海位置水位已經高漲，部分位置已經以橙色索帶圍起。
網民：個風好似好勁
不少網民對颱風來襲感到恐懼，又指風暴強度很高，「個風好似好勁」、「天文潮，而家水漲」、「呢個風真係堅野黎」、「真係咁快到」、「尋日好多人話冇料到架嘛?」、「快D執定嘢走」、「危險呀！快d返屋企啦！」、「依家潮漲，今晚凌晨個風最近嘅時候再潮漲多一次，嗰次就大檸樂啦」、「應該仲有兩米上升，未係最高！」、「一到8號風點算？」、「初一, 十五都係咁....如果昨日打黎仲勁」、「現在3號 就咁 , 今晚/半夜 點算呀」、「風壓好勁」、「杏花同藍灣真係好危險」、「個風一到，一定水浸杏花村，商場水浸」。