大埔宏福苑五級火發生至今，有多名居民受災，《東張+》於網上發現，有在場義工揭發有可疑人士自製假「災民登記表」，企圖騙取長者災民提供銀行資料，更包括提款密碼。
可疑人自製假「災民登記表」呃銀行提款碼
宏福苑事件義工Maggie在網上表示，近日於廣福邨平台派發物資，但近日見到有數名可疑人士，拿着一疊表格派給長者，更熱心問候，「起初我以為係登記援助資料，但見到有個婆婆面有難色，我覺得唔對路，就行埋去睇下」。
其後，Maggie感可疑續拿起表格查看，發現表格上面填有個人資料、身份證號碼、住址，甚至包括銀行及提款密碼等；隨後該等人士被質問後，即時「緊張」，亦想快手收回表格。
義工：想魚目混珠
Maggie表示，「我問佢哋拎啲資料嚟做乜，嗰幾個人即刻好緊張，勁快想收返啲表格，我即刻X佢哋係咪想呃錢，佢哋走得勁快。我咁岩睇到就話阻止到，點知之前有沒啲已經俾佢攞咗啲資料已經呃咗錢」。
Maggie又指，現場有許多義工真心幫手協助災民，但真的有人「魚目混珠」假扮義工，「實際上係想搵機會詐騙呃錢，真係cls。災民同街坊本身已經好慘，如果再畀人呃埋剩低嘅錢，真係雪上加霜」。
據《東張+》另外取得的社署登記證表格所見，當中並不須災民提供銀行及提款密碼等，亦與上述假「災民登記表」有所不同。
警方：警惕假災民登記表
警方發現有騙徒懷疑假扮義工，使用虛假的「大埔宏福苑災民登記表」混水摸魚，騙取個人資料、銀行及信用卡資料，甚至要求填寫驗證碼。
警方提醒市民提高警惕，切勿隨便填寫任何表格，也不要向陌生人透露個人資料，包括姓名、身份證號碼、銀行戶口號碼、網上銀行帳戶及密碼。
