在巴士上保持清潔是體現公德心的一環，但有人不好好愛護環境，而令車廂變成「垃圾崗」，更令清潔姐姐要辛苦！日前有巴士行經港珠澳大橋後全車垃圾，清潔姐姐不禁大呻：「等於十架車嘅量」。
清潔姐姐呻：等於十架車嘅量
有網民在社交平台發帖文表示，「辛苦晒掃車姐姐….佢話呢個量等於十架車既量」。據帖主上載的照片所見，照片中滿地垃圾，包括食物的包裝袋、紙巾、膠袋等，更有飲完的紙包飲品盒，非常誇張。
網民：或者不是香港人？
有網民看圖後，立即認出是龍運巴士的線，指經過珠澳大橋後，巴士都會慘變「垃圾崗」，又有人指或者不是香港人，是旅客造成，建議巴士公司應該加強教育，「係嘅話但凡有個巴士站係港珠澳大橋口岸唔使諗都知係乜人做了」、「香港人真係唔會咁囉」、「提點過好多人唔好側側膊掉低件垃圾」、「嘩...好誇張，有冇咁多垃圾」、「最憎啲人攝啲用完嘅紙巾喺櫈邊」、「某物種唔飲食好似會死」、「真誇張」、「巴士公司教育下乘客啦要」、「辛苦晒掃車的清潔姐姐」。
翻查資料，九巴及龍運乘客須知列明，嚴禁於車廂內飲食、吐涎或丟棄垃圾，以保持車廂清潔；至於城巴的須知充列明，請勿於車廂內飲食、隨地吐痰或亂拋垃圾，以保持車廂清潔。