「粵車南下」再惹安全爭議！有市民在公路上拍到一輛掛綠色內地牌照的左軚私家車，懷疑在行車期間啟用「自動駕駛／輔助駕駛」功能，車輛以固定車距一路跟前車，司機姿勢鬆散、雙手長時間未見緊握軚盤。片段上載社交平台後，網民即時「炸鍋」。
內地左軚司機疑開自動駕駛行公路
據影片所見，事發於市區高速路段。畫面可見涉事車輛車速穩定，與前車距離固定，偶爾出現細微修正，像是由系統自動微調。拍片者語帶無奈：「香港的確唔係左軚」。因為在現實路況，巴士切線、電單車從盲點掠過、工程車忽然出入，任何半秒的遲疑都可能由「驚險」變「意外」。
網民齊心呼籲：唔該快舉報
從留言所見，網民一面倒呼籲舉報，亦有人關注車窗膜是否合規、是否影響視線與執法。亦有觀眾 tag 節目「報東張」，希望加強曝光，形成阻嚇，「用自動駕駛？1823佢啦！」、「1823佢啦，送佢一程」、「報東張舉報佢啦」、「1823幫到你」、「告得成都衰幾瓣喎」、「離曬大譜，撞車又煩」、「黑色車窗膜可以用咩？」。