網上近日流傳一段車Cam片段，拍到天水圍發生一宗連環交通事故，有私家車司機懷疑駕駛時失神，先撞到另一輛私家車，其後更疑因心虛或未有妥善處理事故，再直接撞向前方貨車，一連串離奇操作引起大批網民熱議。
天水圍大懵司機先撞私家車再撞貨車
涉事影片於社交平台流傳，事發時間為3月13日早上約8時半至9時之間，地點位於天水圍天盛苑盛彩閣對出一帶。發帖事主表示，當時懷疑該名司機撞到自己的車，惟可能因「心虛」而未有停車處理，反而繼續向前行駛，最終直接撞上前方一輛貨車車尾。
有網民在留言區追問確認事件經過，事主回應指：「係，其實我一開始唔知，啱啱先發現，已經報咗警，睇吓Cam影唔影到。」表示已將事件交由警方跟進，希望透過閉路電視片段還原真相。
網民笑稱：馬路核彈
影片曝光後，引來大量網民討論，不少人直言涉事司機的駕駛表現令人咋舌，有人戲稱：「一架車可以做咁多嘢，真係馬路核彈。」亦有網民留言：「撞完一架唔停，仲再送多一下畀貨車？」、「完全唔知佢諗緊乜。」；亦有網民猜測司機當時精神狀態不佳，「似係未醒晒」、「會唔會一路低頭玩手機？」不過亦有人提醒不要過早下定論，指可能涉及視線死角或路面環境問題，「等警方睇晒片先至講。」、「真馬路核彈」。