福祿壽訓練學院︱導師形勢大逆轉！黃建東「一人Avantgardey」還原度高

由阮兆祥、李思捷、王祖藍主持的香港首個扮嘢真人Show《福祿壽訓練學院》。周日晚（7日）播出的第二集為終極海選，相比第一集，今集有兩個超乎想像的大龍鳳演出，分別為代號「一人Avantgardey」的黃建東，及「買一送一」的吳兆麟及劉倬昕。先說「一人Avantgardey」，顧名思義，黃建東是一人分飾日本超人氣舞蹈團體Avantgardey，跳唱陳慧嫻經典跳唱歌曲《跳舞街》。身穿Avantgardey招牌紫色校服Look，頭戴Avantgardey標誌性假髮的黃建東，不但誇張表情神倒模Avantgardey，就連搞怪跳舞動作亦學到十足十！

為了加強表演效果，黃建東還自製「隊員影片」伴舞，令出來的效果像有19個黃建東一起跳唱，有創意之餘亦是誠意十足。談到是次演出，東東坦言碌盡人情卡之餘，籌備時間更長達一個多月：「淨係排舞都搞咗幾個星期，除咗搵專業排舞師幫我打底啲基本舞功，我自己都Keep住成個月係咁睇晒Avantgardey嘅所有演出片段，仔細研究自己可以模仿到嘅肢體動作，再學埋佢哋嘅表情。」

東東又指為了精益求精，完成綵排後當晚亦有回家對表演加以調整：「我返到屋企後反覆練習同調整咗足足4個鐘，練到半夜三點幾，希望個盡量做好啲。」東東續指單是置裝過程已歷盡艱辛，為了假髮及校服踏破鐵鞋兼大破慳囊之餘，更數度被誤當「變態佬」：「因為我要著校服，我就去旺角同九龍城啲校服店搵，但佢哋一聽到我想要女校校服，啲姐姐即刻好驚，話佢哋淨係賣畀學生同即刻趕我走，搞到我好似變態佬咁。我之後有試過上網訂，但又搵唔到紫色，我最尾係搵朋友再託佢幫手搵人做，淨係件衫用咗四位數字。」