使用郵政「上門派遞」卻在家中收不到件，更要自行到郵局領取？近日《東張+》收到報料，指香港郵政的「上門派遞」服務形同虛設，更直指自己已非首次「中伏」，直言「係咪要搵東張西望處理」事件。
據事主的照片所見，卡上寫有「急件字眼」；亦寫上日期為「28.02.26」，時間寫有「09:39」。
香港郵政「上門派遞」服務形同虛設？
事主表示，於2月28號收到香港郵政的「SMS」通知，指會在「1點前派件」，其後於家中等候，惟但在家等至2點仍未有回音，故落樓查看郵箱，仍然沒有發現任何投遞卡片或通知。
直到星期一（3月2日），事主回家才於信箱發現郵政人員留下的「領取包裹通知卡」。她質疑：「係咪真係星期一先整呢張卡再擺返入去？唔係星期六上嚟冇人就直接塞入去？」事主更指，自己有家中 的CCTV片段，可以確認當日沒有人按過門鐘。
市民不滿：只派領取通知卡
事主又強調，自己平日工作時間為上午9時半至下午4時半，幾乎與一般郵件派遞時段重疊，因此根本不可能天天在家等郵差，「我唔駛返工架？如果急件要攞，我要專登請假去彌補你哋嘅失職？」；事主又指出這並非首次出現同類問題。