「衝紅燈」是違法行為，更會影響交通安全！日前有紅磡蕪湖街附近就進行一場行動捉「衝紅燈」，期間更有多位人士被發現違例，即場收告票，影片其後遭廣傳。
紅磡交通督導員捉「衝紅燈」
有市民指，周二（3月10日）於紅磡蕪湖街、近紅磡街市一帶，發現一個紅綠燈位有交通督導員進行執法活動。影片所見，現場有交通警員及交通督導員在捉拿違法市民，其中有人被捉後即場收告票，當場情緒激動；拍片市民又表示「影之前已經捉咗至少五六個」，估計多人已因「衝紅燈」違法被捉。
市民：照衝係抵死
影片其後遭廣傳，不少街坊看片表示，執法行動有用，因保障交通安全，亦有人認為是自取，因為清晰看到執法人員在場，視而不見是自己問題，「著晒制服一堆企晒喺度，你都要照衝既，其實係抵死架喎」、「成十個人守一個過路處，咁都衝就扺比啦！」、「捉多D啦,交通規例又唔守,罰佢又bili bala,心裏好不甘！」、「咁多人做晒大龍鳳都要衝出黎，唔捉你都唔好意思啦」、「捉得好，如果佢衝紅燈俾車撞到又係司機食曬，對司機唔公平。」、「呢個係熱門位置，唔係呢個位就係前啲街市直落個燈口」、「罰錢好過走去害死司機啊，你唔要命咋，但係司機唔想坐監」、「以前喺西灣河街市對出嗰條馬路，都經常會捉呢啲衝紅燈，見過一次過捉到七、八個人一齊畀阿sir攞身份證登記收告票」、「抵捉啦」、「過馬路唔帶眼，無睇燈都算，對面幾個件衫反晒光都唔睇，真係幫你唔到」、「我真心尊敬真係做嘢嘅公職人員，啲司機被害係影響幾家人」。
「衝紅燈」罰款為2000元
根據香港法例第374G章《道路交通（交通管制）規例》，行人若不遵守交通燈號（「衝紅燈」）過馬路，屬於犯罪行為。違者「無合理辯解」下可被處罰款 。即使行人確認沒有車輛接近，紅燈期間亦不可橫過馬路，罰款為2,000港元。