/public/article/images/202403/f6065028-aa17-4ee8-9be5-ca5757cab521.jpeg)
由新鮮出爐「最佳女主持」麥美恩（Mayanne）同曾展望（GM）擔任助理主持嘅全新清談節目《Mayanne小喇叭》，喺3月14日晚首播，節目每集邀請不同藝人及素人擔任嘉賓，討論大膽又破格嘅香港貼地話題，花生指數爆燈。首集以「身材好是現今的流量密碼」做主題，邀請咗堪輿學家麥玲玲、郭珮文（Juliana）同黃婧靈（波波）三位迫爆身材女性擔任嘉賓，仲有KOL Kamchi、雀仔同Amber則齊齊訴說胸大嘅煩惱。
《Mayanne 小喇叭》由 Mayanne 同埋 GM 擔任主持。
今集邀來 Juliana 做嘉賓，仲有麥玲玲師傅及波波。
波波因為身材出眾，曾經被口花前輩撩。
堪稱新一代咪神嘅Juliana謙稱自己身材只是「過得去」，並自爆曾經係肥妹仔，後期減肥之後先被人讚身材好。玲玲姐好奇問佢是否瘦身唔瘦胸時，Juliana就話：「有呀，都會縮水㗎！」至於身材咁誇張，曾否被質疑係「假胸」？Juliana 話：「好多呀，好多人會留言話假波。」不過Juliana一啲都唔在乎，並大拋高EQ金句應對Hater，絕非胸大冇腦之人！之後GM講到有研究指Y形及I形事業線，有助分辨真假胸，自稱堅料嘅Juliana就唔認同：「Y、I 隨時切換，托起咪就係Y，齋唧咪就係I囉！」
Juliana 曾經被質疑假胸，佢用一個不在乎表情嚟回應，仲大拋金句應對 Hater，好高 EQ！
Juliana 笑言可以 I 、Y 事業線任意切換。
今集仲會邀嚟 KOL Kamchi（左起）、雀仔同埋 Amber 擔任嘉賓。
身為咪神嘅波波透露自己個花名係由網友命名，並曾經為「波波」呢個名字唔
開心，後來才接納。波波更大爆因驕人身材引發嘅風波，佢話：「有一次拍劇開05，同Mayanne同一套劇，當時我笠頂帽落到去個鼻度。之後我去咗換衫，一出嚟就同個前輩打招呼，但佢冇理我，我隔咗3秒之後岳高頭，發現佢望緊我心口，佢話：『好彩認到你心口咋，如果唔係都唔認得你！』」波波雖然未有透露呢位知名前輩嘅名字，但就同Mayanne共識知道係邊位，Mayanne仲笑指：「嗰個連我都調戲，但都係劇情需要啫！」之後Mayanne追問波波向獎門人曾志偉放電傳聞，佢就做出一個驚人舉動回應，連GM都要擰歪面不敢直視。
三位大方分享呃 Like 秘訣。
之後仲會即場上演驗胸大會，Mayanne 嘅表情絕對係重點。
Mayanne獲邀請驗胸爆出「驚呆表情包」。
玲玲師傅自稱從來唔覺得自己身材好，謙稱肥人身材都係差唔多，都係脂肪嚟，直到自己出嚟工作之後，見到啲人同佢講嘢時係望住佢個心口，就得唔對路。玲玲師傅笑言：「當你個人肥又唔高，條頸又短，無論天氣係幾咁寒冷，我都係同大自然對抗，入面都係着喱士小背心打底。」至於 KOL Kamchi、雀仔同Amber會自揭胸大嘅尷尬，分享喺搭港鐵期間遇到性騷擾及跟蹤狂，遭遇令人驚訝。
三位 KOL 大呻胸大的煩惱，孭斜孭袋會尷尬。
KOL曾經遇過偷拍及被跟蹤事件。
節目仲會介紹大家如何選擇啱嘅 Bra。
《Mayanne小喇叭》3月14日起，逢周四、五晚 10 點半翡翠台播映
