*【長者健康】走路講電話卻突然停步？這竟是大腦退化早期警訊！台灣基因醫生張家銘指出，「一心二用」能力下降比忘事更早出現。他教你1分鐘走路減法自測，簡單檢查前額葉功能，同時揭露三大日常徵兆。長者及家人快來自測，及早預防失智症。
醫生直擊：走路講電話為何要停步？
你有試過邊走路邊講電話，講到一半腳步自然停低？台灣基因醫生張家銘在診間最常問長輩一句話：「您走路的時候，還能不能同時想事情？」這句看似簡單的問題，比任何記憶測驗更早反映大腦狀態！
醫生解釋，這叫「雙重任務步行能力」（dual-task gait）。走路本來是自動化動作，但一邊走一邊講電話、回訊息或思考，就需要前額葉、小腦同基底核同步運作。一旦「一心無法二用」，就代表大腦整合能力開始退化，唔係等到忘東忘西先發現！
三大典型徵兆 長者出現就要警惕
張家銘醫生列出日常最常見的3大畫面，若家人有以下情況，千祈唔好掉以輕心：
- 走路講電話，腳步自然停下來 講緊野突然靜止，係前額葉負荷過重嘅警訊。
- 一邊走路一邊回訊息，容易走歪或撞到東西 視線離開路面，大腦就無法同時處理平衡同認知任務。
- 過馬路時旁邊有人講野，判斷力明顯變慢 注意力分散，危險反應時間延長，跌倒風險大增。
醫師提醒：「單純散步對情緒好，但對大腦刺激有限。真正抗老，要一邊動、一邊想！」
1分鐘自測腦退化：醫生親教「邊走邊計減數」
想即刻知道自己大腦「幾歲」？張醫生推薦超簡單家居自測，人人都做得到：
- 搵條安全步道（屋企走廊或公園都得）。
- 一邊正常走路，一邊由「100減7」開始計數：93、86、79……
- 順利計完全程？恭喜，大腦整合能力仲OK！
- 覺得吃力、要停低先計到？前額葉效率已經下降，建議盡快找醫生檢查。
預防大腦退化 醫生推介日常訓練
張家銘引用最新研究，指「一邊走一邊思考」的訓練最有效刺激神經可塑性。香港長者可試以下方法：
- 走路時數步數或背電話號碼
- 買餸途中記路線同價錢
- 配合虛擬實境體感遊戲（有興趣可問醫生推薦）
【延伸閱讀】
認知障礙｜燒香增長者認知障礙風險 中大研究：污染物增加心血管疾病風險/加速腦部退化 專家燒香建議
腦退化 | 4種異常眼神=腦退化 早過檢查發現 4招護腦每日做一件事零成本活化神經