【家常食譜/住家餸/豉汁蒸排骨食譜/江美儀/三姐/蕭秀香/女人必學100道菜】由江美儀及名廚三姐（蕭秀香）主持的《女人必學100道菜》教大家做一些家常菜，其中住家餐桌上常見的豉汁蒸排簡單到幾乎手殘亦做到，但要把美味再提升，兩位主持就分享幾個貼士，即刻收藏簡單豉汁蒸排骨食譜。
豉汁蒸排骨｜材料
【食材】
- 排骨（肉排） 300-400克
- 原粒蒜頭（蒸5分鐘） 約10-12粒
- 蒜蓉 2茶匙
- 辣椒 1條（去籽切粒）
- 豆豉 2湯匙
- 鹽 適量
- 糖 適量
- 紹興酒 1 湯匙
- 麻油 1茶匙
- 生抽 適量
- 清水 2茶匙
豉汁蒸排骨｜食譜
Step01：排骨吸乾水份後，以適量生抽、1匙糖拌勻，再加麻油及少許生粉醃5分鐘。
Step02：豆豉浸水洗淨及瀝水，用匙羮將豆豉壓至半成半爛，加糖、紹興酒、蒜蓉、辣椒粒拌勻。
Step03：將豆豉連味料倒進排骨裏拌勻，加大約2湯匙清水再拌勻。
Step04：上先放原粒蒜頭，將排骨鋪平放入爐蒸20-25分鐘。
豉汁蒸排骨｜煮食貼士
01.排骨要用肉排，肥瘦比例為4：6
02.加入預先蒸至半熟的原粒蒜頭，蒜頭會吸盡豉椒排骨精華、又甜又腍又香，極啱送飯。
03.蒸煮前，為排骨加水可以令口感更滑，加水拌勻後見碗底有略稠身的豉汁即可入爐蒸。
【延伸閱讀】
家常食譜 | 蛋花涼瓜炒金黃豬頸肉食譜 廚藝專家授兩招去涼瓜苦味