舉報公屋 | 舉報鄰居內地伴侶藏公屋房署一個理由不受理港男失獎金失望被網民批黑心：有報應

【舉報/公屋/鄰居/內地/伴侶/過夜/房署/獎金/網民/濫用公屋/單位/房屋署】一名男網民在Facebook群組「香港公營房屋討論區」中發帖，指自己最近向房屋署舉報一名鄰居伯伯。

兩度舉報鄰居帶內地伴侶回單位

他透露該鄰居「收埋個大陸婆在單位居住」，然而相關職員指伯伯已年屆90多歲，「屋邨經理話由得佢喎」。事主直言因此未能獲得3,000元舉報獎金，甚至被該伯伯咒駡。

事主表示之後再舉報同層一名鄰居婆婆，形容對方「收埋個大陸佬在單位內過夜」，惟屋邨經理指不會透露調查進展，他不禁大呼「咁我幾時攞到3,000呀？玩我咩！90幾都濫用公屋，呢啲人年輕時都唔慌好人啦，歲數並不是犯罪的藉口」。

網民：支持 VS 心地惡毒

帖文曝光後，有網民支持事主的做法，但都有人批評他惡毒、欺負老人家，「支持樓主」、「有問過房署，仔女冇戶籍，但去住，照顧老人家，係冇問題嘅，只係住幾耐都冇資格加名」、「你會有報應的，90幾都搞！」、「你做埋啲折墮（嘢）！小心啲囉！」、「為咗3,000害阿婆、阿伯瞓街，人唔止傻，心地仲係惡毒」、「做人唔好咁，阿伯、阿婆都搞，小心，為了3,000去咁盡！」。

對此，事主認為舉報是「善舉」，更有機會是收入來源，「房署叫人舉報，如果你知道有人濫用公屋你都唔舉報，咁你就係同流合污。為咗公義，得罪人都冇所謂，最緊要成功！只要成功舉報100宗，收入便可達30萬！我目標唔係3,000，係30億，舉報多啲，我就會發達」。