【舉報公屋/親戚/資產超額/避查/替天行道/無良】一名男網民在Facebook群組「香港公營房屋討論區」中發帖，指其姑媽是公屋租戶，但因資產超額，她為免被房屋署發現，把現金藏在家中保險箱。
事主形容姑媽每次外出都很不放心，擔心會發生火警或有賊入屋，遂問他「有啲乜嘢安全方法提供」，事主便提議她把金錢存放在其銀行戶口暫管，對方聞言一口拒絕。
欲舉報姑媽：替天行道
對此，事主自言只是好心提出替姑媽保管，對方卻表現得「疑神疑鬼」，他便萌生舉報的念頭，更形容自己是「替天行道」，
「請問大家，我應該點樣舉報佢好呢？佢收埋啲錢濫用公屋，舉報她是善行！佢新年畀我利是錢只得20蚊，但係佢個夾萬卻收埋幾百萬，呢啲衰親戚一定要舉報。」
網民：立心不良
帖文曝光後，不少網民都批評事主無良心，「你靜等天收得了」、「雖然你姑媽係唔啱，但唔放入你戶口就舉報人，你都幾XX」、「人哋唔畀啲錢你你就舉報人」、「憎人富貴厭人貧！嗰個係你姑媽！你幫唔到手就算數啦！還要去舉報人哋！有你啲咁的親戚真係XX」、「你諗多咗，佢係你姑媽，唔係你阿媽，就算係阿媽都唔得，你自己係咪有問題，唔畀你保管，你話舉報人哋，你立心不良，係你親人，佢有錢！關你鬼事，用吓方法自己搵錢」。
對此，事主認為應該為公義大義滅親，「冇掩口費，便應該舉報，做人最緊要對得住自己良心！佢濫用公屋，我唔舉報，咁我咪即係埋沒良知，做人點能夠埋沒良知㗎！」
【延伸閱讀】
舉報公屋 | 舉報鄰居內地伴侶藏公屋 房署一個理由不受理 港男失獎金失望被網民批黑心：有報應