有片｜的士司機不滿被搶客舌戰網約車司機　開口即爆粗更嚇親遊客

的士與網約車之間的「戰爭」越演越烈，日前網上流傳一段的士司機疑不滿被搶客，繼而舌戰網約車司機的影片，片中的哥不斷拍攝乘客，甚至開口爆粗嚇親客人。影片惹起熱議。

的士司機不滿被搶客舌戰網約車司機

影片周三（5月21日）被上傳至多個社交平台群組轉載，有轉載者稱，「的士與網約車，爭霸戰⋯⋯但的士司機好似嚇親啲遊客，不應該的行為」。

而影片所見，拍片者相信為的士司機，的哥一開始便拍攝一位家長，家長抱起小孩，的哥又以普通話問家長「網上訂的車，你付了多少錢？」，其後家長回答「$240元」，的哥繼續發飆說，「哦，兩百四就可以坐這個車」。

其後網約車司機叫的士司機不要騷擾乘客及拍片，說「你身體有沒有事？」，乘客亦不停擋鏡頭；這時的哥再發飆爆粗鬧網約車司機，「我X你個老母，你撞到我呀，拍片唔犯法㗎」。其後影片結束。

影片截圖：

網民：嚴重影響香港形象和打擊旅遊業

影片網上惹起熱議，不少網民網約車力撐，更指對的士失去信心，「的士佬開口埋口X人老X。你睇下人地做客幾咁有禮貌底你冇生意」、「多謝的士佬令我更加下定決心支持Uber，更加尊重Uber師傅！」、「有D道義啦!人哋一家大細有細路r，今鋪技不如人輸畀佢有乜問題？」、「確實無品，嚴重影響香港形象，打擊旅遊業」、「的士行業係香港真係神憎鬼厭」、「嚇到小朋友啦」、「有得選擇都一定唔坐的士」、「拍片嗰個真係好過份，一定幫襯uber」、「我係個客一定X你！我坐咩車關你L事！」、「你影個小朋友做乜？關個小朋友乜事先？你唔高興可以影車牌影個司機。」、「唔緊要呀，永遠支持Uber」、「今時今日搭的士，短程黑面，長程就罔顧安全，飛車咁去」、「乘客選擇權，有何問題呀?」、「係都要做到神憎鬼厭」、「一句粗口已經改變了一切!」、「我睇到UBER有禮貌，的士唔知做乜。」、「政府都講到明與時並進啦，全世界都要有綱約車服務嘅。市民亦都支持」、「的士佬越來越乞人憎」、「愈做只會愈架推網約牌照，需求問題」、「有乜事都好，都唔應該影響到小朋友，嚇親佢點算」、「香港啲的士就係咁PK，有交通意外咪同個司機傾，點會走去攪啲乘客」、「司機同司機問題，做乜搞乘客」、「香港的士佬 好似皇崗黑的咁樣。。免費都唔坐」、「多謝你呢條片，的士牌又跌多10萬！」、「的士佬，有風使盡利，必然自其短」。

相關新聞：

有片｜港的士司機疑嫌車程太短趕內地客落車 爆粗鬧「你報警啊!」

香港的士投訴按季增近14%創兩年新高 95%涉司機兜路／拒載／濫收車資

上水警員擎槍拘76歲的士司機 涉拒截查連衝「4盞紅燈」逃走

荔枝角「的士自炒」失控直撞地舖鐵閘 71歲女司機稱避車肇禍