亂過馬路除了會被罰款外，還容易發生交通意外，引起車禍。日前深水埗便發生一宗亂過馬路事件，一名老伯過馬路時衝紅燈，被一輛車呠彼疑不忿氣，不但大罵車主，更用力踢人車身，非常兇惡。
衝紅燈被呠唔忿氣仲踢人車
有車主在社交平台發片，指一名老人衝紅燈後，因被呠而不忿氣，其後影片被流傳到各大平台及遭轉載。
據影片所見，車主駛至欽州街、近西九龍中心對開時，突然一名長滿白鬍鬚、貌似「龜仙人」的老人衝紅燈過馬路，雖然影片沒有聲音，但相信司機當時有「呠」老人作警告。惟老人疑似不忿氣，不但上前大罵車主，更大力向私家車踢了一下，令車子發出絲微震動。
其後老人離開，但影片內仍看到他指手劃腳的罵着車主，過程持續數秒，最後方離開。影片完結。
影片截圖：
網民：又1個壞人變老例子
影片在社交平台瘋傳後，引起網民討論，不少網民指老伯本性太壞，形容不能姑息這些人，亦有人指出人善被人欺，建議車主報警，「人善被人欺」、「佢咁惡，惡得過架車冇迫力」、「好似龜仙人」、「唔報警真係對唔住自己」、「唔好落車，佢應該識龜波氣功」、「泊埋一便即刻一路吊住佢尾報警，唔好俾佢走。抄牌都咁話。」、「司機俾人咁嚇一嚇都冇踩錯油門」、「1823，放大佢個頭樣send 過去」、「咁得意嘅，即時報警啦，重比佢走呀」、「阻止疑犯逃離現場，係可以合理使用武力」、「佢口型話我都敢呠，你知唔知我係邊個？」、「佢踢車主部車？」、「捉住佢，刑事毀壞」、「踢完部車，仲可以俾佢走？」、「落車睇吓有冇花再報警」、「正常泊埋邊跟著佢一路報警」、「刑事毀壞，拉得啦」。
亂過馬路可被罰2000元
根據運輸處的交通規定，「綠色人像」燈號閃動期間，行人不可開始橫過馬路。《道路交通（交通管制）規例》第33(6)條明確規定，在交通燈控制下的過路處，行人必須遵守燈號指示。未有合理辯解而違規的行人，將被罰款2,000元。