荃灣一個商場的停車場發生一宗罕見車禍！周二（7月2日）下午，荃灣廣場停車場內，一輛黑色比亞迪私家車疑似逆線駛入停車場閘口，撞毀閘機後再直撞牆壁，車頭嚴重損毀，現場滿地碎片，引來保安及途人圍觀。
荃灣停車場私家車逆線撞入閘炒車
有網民目擊事件並在社交平台發帖，形容現場情況為「荃灣廣場，一個高手逆線撞入閘撞到散晒」，並附上事故照片。帖文指出，涉事私家車「逆線撞爛閘機，再直撞牆」，引起網民熱烈討論。
從現場照片可見，涉事的比亞迪車車頭嚴重損毀，停車場內有保安人員及多名市民在場查看情況。
私家車炒車惹笑網民
事件曝光後，引起眾多網民留言討論，有人笑稱高手在民間，亦有人好奇車主是如何做到，「高手在民間，天才」、「唔明荃灣廣場呢啲位都可以撞到咁嚴重？！」、「高手，果然係Break your dream」、「你炒車唔緊要，阻其他車出入」、「停車場揸車都揸到咁，咪遺害人間la」、「可能佢想將個位攞到盡，再轉返入嚟，不過一攞到盡個位，就同對頭車撞到正。」、「連荃灣廣場都敢玩到咁癲，呢啲車手真係危險。」、「堅係高手同膽夠大先撞得散」、「男人揸車就係衝動」、「無厘頭有張電腦凳??」、「呢個谷有啲奇怪，明明叫小心駕駛，但post出嚟啲嘢永遠都係唔小心」、「揸比亞迪係咪冇腦㗎？」、「自己死好，咪累小朋友」、「或者車手揸開左軚同內地式揸法，所以同我地揸車方向相反」、「點樣可以撞到咁...」。