排隊黨問題在運輸署持續惡化，《東張西望》早前曾經揭露，近日更爆出激烈衝突事件。近日金鐘運輸署牌照事務處有排隊黨疑因「霸位」問題出現內訌，場面如「街頭MMA擂台」。
排隊黨MMA｜3女子金鐘運輸署霸位內訌衝突
網絡近日熱傳一段驚人影片，拍攝地點位於金鐘運輸署牌照事務處外，3名疑似「排隊黨」女子因霸位問題爆發激烈衝突，場面如街頭「MMA擂台」，引起網民熱議。
影片中可見，一名阿婆與另一中年婦人聯手指罵一名黑衣女子，疑為「蛇頭」。阿婆情緒激動，突然衝前揮動綠色膠袋，企圖擊打黑衣女子頭部。黑衣女急退並以雙手擋架，袋子橫掃腹前未有擊中。其後中年婦人出手拉開阿婆，衝突才告平息。
現場氣氛緊張，這時阿婆同行另一名中年婦人，拉著阿婆，並出手隔開阿婆方停止動作，影片聽到現場這時傳來掌聲，有人大力拍掌。
排隊黨MMA｜影片截圖：
排隊黨MMA｜市民關注排隊黨亂象
事件再次引發對排隊黨亂象的關注，市民批評代辦行為擾亂秩序，呼籲政府加強監管「有得電子排隊喎」、「大陸人拎香港車牌做乜撚嘢？佢哋夠膽喺香港揸？」、「一個月前返香港去過一次續車牌，門口真係一堆咁嘅鄉音阿嬸喺度拉客問買唔買籌⋯」、「咁都可以整一門生意出嚟」、「點解政府部門容許呢啲事發生，唔趕走佢哋？」、「呢啲都要炒，其實好影響本地人日常」、「見怪不怪，運動book場果d全部都係」、「排駕照加代整呢啲收過千蚊agent費」、「一年12萬大陸牌換香港牌你估講笑，數字持續上升」、「專門破壞文明社會秩序，影響其他人，質素惡劣。」、「佢地有幾個阿姐做領隊，d職員都識得同佢地打招呼。」、「續牌，換牌，香港係唔可以去郵局續。呢樣嘢落後好多地方」、「政府工厲害就係，排隊黨擺明嚮你門口抄黃牛都唔理」、「可以網上預約都咁？」、「排隊黨嘛，快D轉晒網上攪啦」。