港鐵雖然對乘客攜帶物品的尺寸有明確限制，但偶爾仍有「漏網之魚」出現。近日有網民拍攝到一名乘客疑似搬運床褥登上港鐵列車，畫面曝光後引發熱議，不少人揶揄港鐵「運貨車」，笑言「乜都搬得上車」。
灣仔站乘客抬床褥入車廂
有網民周日（9月14日）在社交平台群組上載相片及發文，寫道「今日灣仔站見到奇境...想知有無見過比床褥更大嘅物件？」。相片中所見，地點應為港鐵港島線車廂內，一名乘客將床褥抬入車廂，床褥尺寸甚大，高度直逼天花，床褥亦套住兩張床單。
網民：入到閘呢下先勁
不少網民看完照片後，都奇怪如何將床褥運入車廂，亦有人指他視港鐵附例如無物，「遲啲應該會有人用地鐵出殯」、「唔expect真係有床」、「AI生成圖?」、「平時推架單車都即時有人追住閙，咁大既床褥又無人理」、「佢係好彩職員見唔到」、「早兩日見到有個男人拎住碌大概150左右嘅伸縮桿比人截停咗，有個伯伯拎住一個長條形嘅紙盒又比人截咗」、「依家既地鐵職員唔係做正事」、「學生帶着古箏進不了地鐵，但雙人床褥可以。」、「可憐想當年分別有學生帶古箏/大提琴都唔俾入閘」、「學生帶樂器就好似殺人放火咁」、「當年桌球代表隊有人帶支cue棍都要罰」、「啲職員扮睇唔到??」、「咁都入到閘，小黃人平時捉呢d唔係好叻嘅咩」、「點解港鐵咁都可以俾佢入閘？搬嗰個仲離普，call架貨van都冇錢，一世俾人睇唔起！」、「點入到去架？港鐵越嚟越離譜」、「下次見到應該係拉手掣去叫下個站職員處理」、「職員真係好癈，咁大件係唔可以上車㗎喎，上次我見有人喺車廂食電子煙都冇人理」、「仲笠住張床單 幾愛乾淨」、「有咩事，地鐵真係好應該負最大既責任」、「咁都搭到……就快棺材，靈柩，獨木舟，電單車都上地鐵」、「乜咁大件物體可以入到車站大堂範圍！？職員冇睇實個CCTV！？」、「首先係點入閘口？」、「職員都冇阻止，即冇問題」。