干諾道西發生恐怖意外！網上瘋傳一段車Cam片段，一輛的士途經上環干諾道西近威利麻街一個設有棚架的地盤時，突然有一支竹從高處墮下，直插在的士旁邊的馬路上，並撞及車身邊緣。
車Cam直擊｜的士隨即緊急停車
據影片所見，的士隨即緊急停車，其後有地盤工人迅速走出，將竹支移至對面地面，幸好未有插穿玻璃，而影片亦在此結束；影片內見工人亦沒有太大反應。
影片截圖：
車Cam直擊｜網民：意外不能習以為常
事件引起網民討論，不少人擔心再有意外發生，認為不能習以為常，亦有人指的士司機要還神，因沒有插穿車廂，「個工人爭啲就bye bye! Feel到佢仲唔識驚習以為常咁。」、「地面工人要還神」、「呢啲情況要報警啦，心靈創傷要佢賠返十幾碌」、「的士司機真係要還神啦」、「好彩唔係必然，今次好好彩，一次都太多」、「好彩無插穿玻璃咋！」、「又咁邪，好得人驚」、「我都試過俾隔離地盤跌支竹落嚟揼凹咗車頂」、「無死人就當無事發生過？」、「嘩，容乜易插穿車頂」、「工友識撈，即刻毀滅證據」、「只有香港才會用的竹棚，為了價錢平，人命更平」、「架的士冇咁慌，個職員先慌」、「個工友企過啲就死」、「點解呢排咁多呢啲意外發生嘅？」、「呢間建築公司、告佢啦！」。
車Cam直擊｜警方列作「車輛損毀」跟進
警方表示，周三（9月17日）下午2時36分，一輛的士沿干諾道西行駛，途至近威利麻街對開時，有一支竹突然飛墮，擊中的士，其司機見狀報警。經初步調查，懷疑上址有棚架工人工作期間跣手，令竹支飛墮。警方將案件列作「車輛損毀」跟進。