今日（9月18日）下午3時許，尖沙咀一輛的士失控衝上行人路，再撞到路邊一間雲吞麵店舖大門，涉事司機報稱胸口痛。
今日（9月18日）下午3時許，尖沙咀一輛的士沿亞士厘道行駛，右轉入宜昌街時失控，高速衝上行人路，再撞到路邊一間雲吞麵店舖大門，涉事的士司機報稱胸口痛。
雲吞麵店舖大門被撞毀
網上圖片顯示，雲吞麵店舖大門被撞毀，石屎、木塊及雜物散落一地，店面一片凌亂。涉事的士的車身印有「Amigo」字樣，相信為早前投入服務的Amigo車隊。
網民笑言：雲吞做得太出色 引起狂風浪蝶
相關圖片引起網民熱議，有網民表示「其實而家出街真係好危險，喺啲咁嘅環（橫）街窄巷都會有架車隊埋嚟」。
有人則分析指「班揸開傳統燃油車嘅，真係要重新學吓揸電車，腳法完全唔同 」、「可能係電車油門太敏感，司機揸慣油車，平時咁一腳踩落油門，架車就衝前炒埋去」。
亦有網民笑言「雲吞做得太出色，果然引起好多狂風浪蝶」、「司機肚餓啫，體諒下」、「急著食太餓 」、「明明有客喺入面call車先駛入去舖到」、「腩汁車隊 」。
涉事的士為上汽大通Maxus電動車
資料顯示， Amigo車隊在今年7月底投入服務，大部分的士的車身為粉紅色，目前約有1000輛車，以電動車爲主。
而從網上圖片所見，涉事的士型號相信是上汽大通 Maxus Mifa 7 六座位電動的士。
相關新聞：
車Cam直擊｜干諾道西棚架「天降竹支」的士慘中招 好彩無插穿玻璃
車Cam直擊｜Tesla私家車俾油想切線爬的士頭 收掣不及撞向前方巴士車尾