私家車深夜東隧玩「瑪利歐賽車」？網上近日流傳一段車Cam片段，拍到一輛私家車於深夜在東區海底隧道港島入口一帶，疑似高速行駛兼亂入車道，最終撞倒多個雪糕筒，畫面猶如「打機式駕駛」，引起網民熱議。
私家車深夜東隧玩「瑪利歐賽車」
涉事片段全長約33秒，事發時間為2026年3月24日凌晨約4時，地點位於東區海底隧道港島入口處。從影片可見，當時路面車流不多，一輛私家車在接近隧道入口時突然切線，疑似誤入不適用車道，其後未有即時減速，直接撞向用作分隔車道的雪糕筒，雪糕筒被撞至東歪西倒，散落路面。
其後，私家車撞倒雪糕筒後仍繼續向前行駛，未有即場停車處理，現場情況相當驚險。由於事發時正值凌晨，若有工人或其他車輛在場，後果可大可小。
錯線撞冧雪糕筒：車牌淘落嚟？
片段在社交平台流傳後，引來大量網民討論。不少人以戲謔方式形容司機駕駛方式，「好似玩緊《瑪利歐賽車》」、「當啲雪糕筒係道具咁撞」。亦有網民質疑司機技術及精神狀態，留言指「入錯線仲唔識煞車？」、「咁揸車真係害人害己」。
另外，有網民關注事件是否涉及違規或逃避責任，「撞到雪糕筒唔停車，算唔算不顧而去？」、「車牌會唔會已經畀人淘落嚟？」亦有人呼籲警方跟進，查閱隧道閉路電視片段，釐清責任。