有食客與家人到餐廳用膳時，點了一道湯，不料竟在湯內發現一部手機，相關圖片在網上瘋傳，引起熱議。
湯中撈起手機
該名食客在社交平台Threads發帖文，並上載一張圖片，顯示在餐桌上，有人用湯勺撈起一部手機，而手機上還沾著數片菜葉。
樓主在帖文中表示，「野（嘢）食有曱甴我廳（聽）過，有電話我真係第一次見，屋企人食飯叫左（咗）兜湯，然後搵到部電話…」。
帖文引起熱議
帖文引起網民熱議， 表示「食食下碗湯識響真係嚇死」、「荒謬到AI都做唔出」，有人指「廚房師傅：有冇人見過我部電話？」，樓主則回應道，「問左（咗），係拎湯過嚟嗰個叔叔既（嘅）」。
手機驟眼看似懸浮
圖片中手機驟眼看似懸浮空中，引起一些網民疑惑點樣影到部電話自己識浮起、一眼望落去以為你個電話識浮空、點解部電話凌空飛起咗？，樓主則解畫指畫面中其實有一隻湯勺托著。
網民食字搞gag 引眾人爆笑
一名網民「食字」描述圖片為「Samsung一湯....」，引發眾人爆笑，紛紛指「以後香港報紙頭版你負責起標題」、「先生離開文壇嗰陣我係極力反對嘅」、「香港人有屬於自己嘅諧音gag」、「天才」、「師兄有料」、「食字王子」。
亦有人打趣道「如果呢碗係粥，真係煲電話粥喇」。